Üse Frönd ond langjährigs Guggemusig-Gspänli hed am 09. April 2024 sini letschti Reise atrete.Hänsu, Hausi, mir wönschet dir, dass met Pauke ond Trompete vor de Pforte vo dine ehemalige vorusgangene Fasnachtskollege empfange worde besch ond ehr zäme de Sempacher trälleret hend. Du wersch üs in Gedanke a de Fasnacht emmer weder begleite. Segs bim Bierglas hebe zom astosse, bim asetze vom Mundstück, en feini Zigarre azünde….. so vell schöni gueti Erinnerige. Danke för dini hervorragend und gnaui Arbeit als Tinteknecht ond Mitorganisiere vo onzählige Aläss. Aber ganz en spezielle Dank für diniFröndschaft ond Kameradschaft. Hesch en Ehreplatz i üsne Härze. Mir werdet am Donnschtig, 18. April 2024 am 09.30 Uhri de Abdankigshalle vom Friedhof Anderallmend in KriensAbschied näh.